नाशिक : प्रतिनिधी
जिल्हा कौशल्य विकास, रोजगार व उद्योजकता मार्गदर्शन केंद्र, गोखले एज्युकेशन सोसायटी व मानदंड सामाजिक सांस्कृतिक व्यासपीठ यांच्या संयुक्त विद्यमाने दिनांक ७ डिसेंबरला रोजगार मेळावा आयोजित करण्यात आला आहे. सकाळी १० ते दुपारी ५ या दरम्यान गोखले एज्युकेशन सोसायटीचे आर. एच. सपट इंजिनिअरींग कॉलेज, नाशिक या ठिकाणी मेळावा होणार आहे. कौशल्य विकास विभागाच्या वतीने आयोजित मेळाव्यात नामांकित कंपन्या व नियोक्ते या दिवशी उपस्थित राहुन प्रत्यक्ष मुलाखती घेतील. तसेच स्वयंरोजगारासाठी आर्थिक सहाय्य करणारी शासनाची विविध महामंडळे यांचे स्टॉल लावण्यात येणार आहे. त्याद्वारे कर्ज योजनांची माहिती व मार्गदर्शन केले जाईल. तर अडचण आल्यास ०२५३ – २९९३३२१ या दूरध्वनीवर संपर्क करावा. असे कौशल्य विकास, रोजगार व उद्योजकताचे सहायक आयुक्त अनिसा तडवी यांनी सांगितले. नोकरी इच्छुक उमेदवारांनी अद्याप पर्यंत सेवायोजन नोंदणी केली नसल्यास www.mahaswayam.gov.in या संकेतस्थळावर नोंदणी करावी.