नाशिक : प्रतिनिधी
माघी गणेशोत्सवाच्या निमीत्त शहरातील गणेश मंदिरात भाविकांनी गर्दी केली होती. अनेक भाविकांनी बाप्पांच्या आर्शीवादाने दिवसाची सुरूवात केली. माघी गणेश जयंती निमित्त विविध गणेश मंदिरात वेगवेगळ्या धार्मिक कार्यक्रमाचे आयोजन करण्यात आले होते. शहरातील चांदीचा गणपती ,साक्षी गणपती ,इच्छामणी गणपती, अण्णा गणपती, नवश्या गणपती, चांदीचा गणपती यासह सर्व गणेश मंदिरात विविध धार्मिक कार्यक्रमाचे आयोजन केले होते. गणेश जयंतीचे औचित्य साधत भाविकांनी मंदिरात दर्शनासाठी रिघ लावली होती. गणेश जन्मानंतर गणेश अर्चन, गणेश याग पुजा,महापूजा ,महाआरती, महाभिषेक करण्यात आला. साग्रसंगीत पुजा करत गणपतीला पेढे, लाडू यांचा नैवेद्य दाखवण्यात आला तसेच तसेच विविध मंदिरात महाप्रसादाचे वाटप करण्यात आले होते.