मागितली होती तब्बल एक लाखांची लाच
नाशिक: तब्बल एक लाख रुपयांची लाच मागून पन्नास हजार रुपये स्वीकारणाऱ्या भूमिअभिलेख उपसंचालक सह लिपीकला लाचलुचपत प्रतिबंधक विभागाने रंगेहाथ पकडले, भूमिअभिलेख विभागातील क्लास वन अधिकारी च जाळ्यात अडकल्याने या विभागात चालणारी लाचखोरी ऐरणीवर आली आहे,महेश कुमार शिंदे आणि लिपिक अमोल महाजन अशी दोघं लाचखोरांची नावे आहेत, तक्रारदाराच्या 12 क्रमांकाच्या भूमिअभिलेख उताऱ्यातील नाव चुकले होते, ते दुरुस्त करण्यासाठी शिंदे या अतिरिक्त उपसंचालकाने तब्बल 1 लाख रुपयांची लाच मागितली होती, तडजोडी अंती50 हजार देण्याचे ठरले, याबाबत लाच लुचपत प्रतिबंधक विभागाकडे तक्रार करण्यात आली होती,पथकाने लावलेल्या सापळ्यात दोघेही अडकले, ही कारवाई अधीक्षक शर्मिला वालावलकर, अपर अधीक्षक नारायण न्याहालदे यांच्या मार्गदर्शनाखाली करण्यात आली,
भूमिअभिलेख विभागात मोठ्या प्रमाणात आर्थिक व्यवहार चालतात, कोणतेही काम अधिकारी व कर्मचाऱ्यांना पैसे दिल्याशिवाय होत नाहीत, अशी चर्चा आहे