मनमाड : आमिन शेख
– मनमाडला कपड्याच्या दुकानाला भीषण आग लागल्याची घटना सोमवारी रात्री घडली असुन आगीचे कारण अस्पष्ट असून या आगीत लाखो रुपयांचा माल जळून खाक झाला आहे.मनमाड अग्निशमन दल तसेच स्थानिकांच्या मदतीने आग आटोक्यात आणण्यात आले सुदैवाने कोणत्याही प्रकारची जीवितहानी झाली नसली तरी लाखो रुपयांचा माल मात्र जुळून खाक झाला आहे.
मनमाडला सरदार पटेल रोडवर असलेल्या परिक क्लॉथ स्टोरला सोमवारी रात्री भीषण आग लागली अचानक धुराचे लोट बाहेर आल्याने आग लागल्याचे लक्षात आले स्थानिकांनी तात्काळ पालिकेच्या अग्निशमन दलाला फोन करून घटनेची माहिती दिली अग्निशमन बंब तात्काळ दाखल झाला स्थानिक तरुण आणि अग्निशमन दलाच्या जवानांनी आग आटोक्यात आणली मात्र तोपर्यंत तीन मजली इमारतीला मोठ्या प्रमाणावर आग पसरली होती अथक प्रयत्न करून ही आग विझविण्यात आली आग विझवण्यासाठी गावातील खासगी पाणी वितरण करणाऱ्या टँकरने देखील मदत केली.या आगीत सुदैवाने कोणत्याही प्रकारची जीवितहानी झालेली नसली तरी दुकानातील लाखो रुपयांचे नुकसान झाल्याचे प्राथमिक दर्शी दिसून येते.
अग्निशमन दल तसेच स्थानिक तरुणांना यश
मनमाडला आग लागली किंवा इतर काही घटना घडली तर अग्निशमन दल तसेच स्थानिक तरुण कायम मदतीला धावून येतात कालची घटना घडली तेव्हा तात्काळ अग्निशमन दल व स्थानिक तरुणांनी आग विझविण्यासाठी प्रयत्न केले व त्यांना यात यश आले.आग विझली नसती तर संपूर्ण इमारतीला ती लागली असती.