चंद्रपूर: टोल कर्मचार्‍याने टाटा एस कारच्या चालकाकडून टोल मागितला असता, तो टाळण्यासाठी चालकाने टोल कर्मचार्‍याच्या अंगारून गाडी नेली. क्रूरतेचा कळस म्हणजे इथेच तो थांबला नाही तर, त्याने काही मीटर टोल कर्मचार्‍याला फरपटतदेखील नेले. ज्यामध्ये कर्मचारी गंभीर जखमी झाला आहे. सदर वाहनचालक बेपत्ता जरी असला, तरी ही घटना सीसीटीव्हीमध्ये कैद झाली आहे.
प्राथमिक माहितीनुसार, रात्री 1 वाजताच्या सुमारास बल्लारशाहहून चंद्रपूरकडे येणार्‍या एका टाटा एस कारने टोल टाळण्यासाठी लाईन ओलांडली. यादरम्यान, एका टोल कर्मचार्‍याने चालकाला गाडी थांबवण्यास सांगितले तेव्हा त्याने गाडी थांबवली नाही आणि कर्मचार्‍याला चिरडून गाडी भरधाव पुढे न्हेली. ज्यामध्ये टोल कर्मचारी गंभीर जखमी झाला.