येवला : प्रतिनिधी
तालुक्यातील अंदरसूल येथील हायवे रोडवर सोलर प्लेट घेऊन जाणारा कंटेनर उलटल्याने येथील वाहतूक मोठ्या प्रमाणावर विस्कळीत झाली होती. सदर अपघातामुळे वाहतुकीची कोंडी सुदैवाने कोणतीही जीवितहानी झाली नसल्याने मोठा अनर्थ टळला, मात्र कंटेनरमधील सोलर प्लेटचे मोठ्या प्रमाणात नुकसान झाले रस्त्यावर कंटेनर उलटल्यामुळे येवला-वैजापूर रोडवरील वाहतूक मोठ्या प्रमाणात खोळबली होती. वाहनांच्या लांबच लांब रांगा लागल्याने सदर वाहन चालकाला आपले वाहन बाहेर काढण्यासाठी मोठी कसरत करावी लागली. गवंडगाव टोलनाक्यापर्यंत वाहनांच्या रांगा लागल्या होत्या. दरम्यान, शिर्डी अहिल्यानगर महामार्गाचे काम सुरू असल्यामुळे वाहतूक संभाजीनगर महामार्गावर वळवण्यात आल्यामुळे वाहतुकीची मोठी कोंडी झाली होती. पोलिसांनी अंदरसूल येथे घटनास्थळी भेट देऊन सदरची वाहतूक सुरळीत केली.