पंचवटी : प्रतिनिधी
’दीदी चल तुला घरी सोडतो’ असे सांगून मोपेडवर बसवलेल्या युवतीला गुंगी येणारा पदार्थयुक्त कोल्ड्रिंक प्यायला देऊन तपोवनात नेत बलात्कार केल्याची घटना समोर आली आहे. याप्रकरणी उमेश व रॉकी या दोघा युवकांविरुद्ध गुन्हा नोंदवला आहे. पीडित युवतीने दिलेल्या तक्रारीनुसार, बुधवारी रात्री 11.30 ते गुरुवारी सकाळी 8.30 वाजेदरम्यान ही घटना घडली आहे. पीडित युवतीने दिलेल्या तक्रारीनुसार, बुधवारी रात्री 11.30 वाजता अशोका मार्ग येथील सिग्नल परिसरातून जात असताना उमेश व रॉकी हे पांढर्‍या रंगाच्या अ‍ॅक्टिवा (एमएच 15-जीपी 2767) वरून आले. त्यातील उमेशने ’दीदी चल तुला घरी सोडतो’, असे सांगून रॉकी चालवत असलेल्या मोपेडवर बसवले. उमेशने हातातील कोल्ड्रिंक पीडितेला पिण्यास दिले. त्यामुळे तिला नशा झाली. तशाच अवस्थेत पीडितेला तपोवनातील निर्जनस्थळी नेऊन उमेशने बलात्कार केला. त्यास रॉकीने मदत केल्याचे तक्रारीत नमूद केले आहे. मुंबई नाका पोलिसांनी गुन्हा नोंदवला आहे. उपनिरीक्षक एम. एल. शेख तपास करत आहेत.