मेशी : वार्ताहर
देवळा तालुक्यातील मेशी येथे एकाच रात्रीत दोन ठिकाणी घरफोडी झाली. नागरिकांमध्ये घबराटीचे वातावरण आहे. त्यातील एक घर दीड वर्षात तीनदा, तर दोन महिन्यांत दोन वेळा फोडण्यात चोरटे यशस्वी झाले. येथील इंदिरानगरजवळ बन्सीलाल कदम व कैलास शिरसाठ यांच्या बंद घरांचे कुलूप तोडले.
विशेष म्हणजे, कदम यांचे दीड वर्षात तीन वेळा, तर दोन महिन्यात दोन वेळा घर फोडल्याने आश्चर्य व्यक्त होत आहे. विशेष म्हणजे, या घरफोडीतील चोरट्यांचा तपास न लागल्याने पोलिसांच्या भूमिकेवर आश्चर्य व्यक्त होत आहे.
कदम हे पुण्याला मुलाकडे गेले असता त्यांच्या बंद घराचे कुलूप तोडून घरातील कपाटातील साहित्य चोरट्यांनी अस्ताव्यस्त केलेे होते. परिसरातील महिलेला सकाळी हा प्रकार लक्षात आला. याबाबत कदम यांना दूरध्वनीवरून कळविले. नागरिकांनी देवळा पोलीस ठाण्यात माहिती दिली. पोलीस उपनिरीक्षक राऊत घटनास्थळी दाखल झाले. त्यानंतर श्वानपथक व ठसेतज्ज्ञांना पाचारण केले. मात्र, ठसे न मिळाल्याने चोर सापडतील याची शक्यता धूसर मानली जात आहे.
Two houses were broken into in one night in Meshi.