अंदरसूल येथे सोलर प्लेट घेऊन जाणारा कंटेनर उलटला; वाहतूक विस्कळीत

येवला : प्रतिनिधी
तालुक्यातील अंदरसूल येथील हायवे रोडवर सोलर प्लेट घेऊन जाणारा कंटेनर उलटल्याने येथील वाहतूक मोठ्या प्रमाणावर विस्कळीत झाली होती. सदर अपघातामुळे वाहतुकीची कोंडी सुदैवाने कोणतीही जीवितहानी झाली नसल्याने मोठा अनर्थ टळला, मात्र कंटेनरमधील सोलर प्लेटचे मोठ्या प्रमाणात नुकसान झाले रस्त्यावर कंटेनर उलटल्यामुळे येवला-वैजापूर रोडवरील वाहतूक मोठ्या प्रमाणात खोळबली होती. वाहनांच्या लांबच लांब रांगा लागल्याने सदर वाहन चालकाला आपले वाहन बाहेर काढण्यासाठी मोठी कसरत करावी लागली. गवंडगाव टोलनाक्यापर्यंत वाहनांच्या रांगा लागल्या होत्या. दरम्यान, शिर्डी अहिल्यानगर महामार्गाचे काम सुरू असल्यामुळे वाहतूक संभाजीनगर महामार्गावर वळवण्यात आल्यामुळे वाहतुकीची मोठी कोंडी झाली होती. पोलिसांनी अंदरसूल येथे घटनास्थळी भेट देऊन सदरची वाहतूक सुरळीत केली.

Devyani Sonar

देवयानी सोनार या 2018 पासून पत्रकारितेत कार्यरत आहेत. दैनिक पुढारी मधून त्यांनी पत्रकारिता सुरू केली, सध्या त्या दैनिक गांवकरी मध्ये उपसंपादक तसेच ऑनलाइन कंटेंट क्रीएटर म्हणून कार्यरत आहेत. आरोग्य, शैक्षणिक तसेच जिल्हा परिषद , सामाजिक विषयावर त्यांनी विपुल लेखन केलेले आहे. बीकॉम तसेच एम ए अर्थ शास्त्र यात पदयुत्तर पदवी मिळवली आहे. पत्रकारितेत अनेक पुरस्कार त्यांना मिळालेले आहेत.