सव्वा लाखाचा सोन्याचा हार लंपास

नाशिकरोड :  प्रतिनिधी

गाडीतून सुमारे सव्वा लाख रुपये किमतीचा सोन्याचा पोहे हार चोरट्याने लंपास केल्याचा प्रकार घडला. याप्रकरणी नाशिकरोड पोलीस ठाण्यात अज्ञात चोरट्या विरुद्ध गुन्हा दाखल करण्यात आला आहे.

या संदर्भात अभिजीत अशोक सोमय्या (रा. वजीराबाद जिल्हा नांदेड) यांनी नाशिकरोड पोलीस ठाण्यात तक्रार दाखल केली आहे. त्यांनी म्हटले की, आपल्या बहिणीने  (एम एच 15 डी एम 28 37 ) या गाडीमध्ये नाशिकरोड परिसरात असलेल्या अमृततुल्य चहाच्या समोर असलेल्या इडली वडापाव हॉटेलच्या बाजूला गाडी लावली असता, अज्ञात चोरट्याने गाडीमध्ये ठेवलेल्या पर्समध्ये असलेला एक लाख 24 हजार रुपये किमतीचा सोन्याचा पोहे हार चोरून नेला. या घटनेप्रकरणी नाशिकरोड पोलिसांनी अज्ञात चोरट्या विरुद्ध गुन्हा दाखल केला असून पुढील तपास वरिष्ठ पोलीस निरीक्षक देविदास वांजळे यांचे मार्गदर्शनाखाली हवालदार खैरे हे करत आहे.