नाशिक: प्रतिनिधी
महिलेशी लगट करणे एका युवकाला चांगलेच भोवले आहे. संतापलेल्या महिलेने या युवकाच्या डोक्यात दगड घालून त्याचा खून केला आणि मृतदेह नाल्यात टाकून दिला. सायखेडा पोलीस ठाण्याच्या हद्दीतील औरंगपूर येथे ही घटना उघडकीस आली आहे. या प्रकरणी पोलिसांनी महिलेस व तिला मदत करणाऱ्या दोघांना ताब्यात घेतले आहे. सोमनाथ खालकर यांच्या विहिरीवर चेत्या नावाचा युवक काम करत होता, या विहिरीवरच काम करणाऱ्या एका महिलेशी तो सारखा लगट करत होता, त्यामुळे संतापलेल्या महिलेने या युवकाच्या डोक्यात दगड घालून खून केला, त्यानंतर मृतदेह नाल्यात फेकून दिला, याबाबत सायखेडा पोलीस ठाण्यात गुन्हा दाखल करण्यात आला आहे.