लासलगावला चार गँगमनचा रेल्वेने उडवल्याने मृत्यू

लासलगाव समीर पठाण

लासलगाव रेल्वे स्थानकाजवळील रेल्वे लाईन कोटमगाव शिवारात सोमवारी पहाटे ५.४४ वाजेच्या दरम्यान
टॉवर (लाईट दुरुस्त करण्याचे इंजिन) रॉग डायव्हरशने लासलगाव बाजूने निफाड कडे जात असताना पोल नंबर १५ ते १७ मधी ट्रॅक मेंटन (ब्लॉक तयारी) करण्याचे काम सुरू असताना चार मेंटेनन्स कर्मचाऱ्यांना रेल्वे लाईनचे मेंटनेस करणाऱ्या टॅावरने धडक दिल्याने या कर्मचाऱ्यांना जबर मार लागल्याने चौघांचा मृत्यू झाल्याची घटना घडली.

संतोष भाऊराव केदारे (वय 38), दिनेश सहादु दराडे (वय 35), कृष्णा आत्मराम अहिरे (वय 40), संतोष सुखदेव शिरसाठ (वय 38) अशी मयत झालेल्या चौघांची नावे आहेत.स्थानिक कार्यकर्त्यांनी या चौघांना लासलगाव ग्रामीण रुग्णालयात आणले असता वैद्यकीय अधिकारी डॉ स्वप्नील पाटील यांनी तपासणी करून या चारही रेल्वे कर्मचाऱ्यांचा मृत्यू झाल्याचे घोषित केले.

घटनेनंतर चारही कर्मचाऱ्यांच्या नातेवाईकांनी जोरदार आक्रोश केला.घटना समजतात लासलगाव पोलीस ठाण्याचे सहायक पोलिस निरीक्षक राहुल वाघ,पोलीस उप उपनिरीक्षक गवळी,पोलीस उपनिरीक्षक अजिनाथ कोठुळे,लासलगाव बाजार समितीचे माजी सभापती सुवर्णा जगताप यांनी घटनास्थळी धाव घेतली.