वणी प्रतिनिधी
वणी – पिंपळगाव रस्त्यावरील बोराळे फाट्याजवळ अज्ञात वाहनाने दुचाकीला दिलेल्या धडकेत तीसगाव ( ता. दिंडोरी ) येथील एकाच कुटुंबातील काका व दोन पुतणे असे तिघे जण ठार झाले. घडलेल्या दुर्दैवी घटनेमुळे हळहळ व्यक्त करण्यात येत आहे. तीन कर्ते पुरुष मयत झाल्याने कराटे कुटुंबासह तीसगाव गावावर शोककळा पसरली आहे. मंगळवारी सायंकाळी साडेसहा वाजेच्या सुमारास वणी ते पिंपळगाव बसवंत रस्त्यावरील बोराळे फाटा येथे वणीकडून पिंपळगाव बसवंत कडे जाणाऱ्या अज्ञात वाहनाने तीसगावकडून वणीकडे येणाऱ्या दुचाकीला धडक दिल्याने दुचाकीवरील निवृत्ती सखाराम कराटे ( वय ५५ ), केदु यशवंत कराटे ( वय ३५ ) व संतोष विष्णु कराटे ( वय ३३ ) सर्व रा. तीसगाव ता. दिंडोरी हे मयत झाले. तिन्ही इसम वणी येथे आठवडे बाजारासाठी येत असताना त्यांच्यावर काळाने घाला घातला. अपघाताचे वृत्त समजताच पोलिसांनी घटनास्थळी धाव घेतली. जखमींना वणी रुग्णालायात दाखल केले असता वैद्यकीय अधिकाऱ्यांनी त्यांना तपासुन मृत घोषीत केले. रात्री उशीरा ग्रामीण रुग्णालयात शवविच्छेदन करून मृतदेह नातेवाईकांच्या ताब्यात देण्यात आले. पोलिसांनी अज्ञात वाहन चालकाविरुद्ध अपघाताचा गुन्हा दाखल केला असुन पलायन करणाऱ्या अज्ञात वाहनाचा पोलीस शोध घेत आहे. याबाबत अधिक तपास वणी पोलीस ठाण्याचे स.पो.नि. स्वप्नील राजपूत यांच्या मार्गदर्शनाखाली वणी पोलीस करीत आहे.
तलवारीचा धाक दाखवून दहशत माजवणाऱ्यास नाशिकरोड पोलिसांनी ठोकल्या बेड्या नाशिकरोड : प्रतिनिधी तलवारीचा धाक दाखवत…
आगामी होणाऱ्या विधानसभा निवडणुकीसाठी प्रशासन सज्ज : सुवर्णा चव्हाण मनमाड : आमिन शेख आगामी होणाऱ्या…
नाशिक: प्रतिनिधी वेतन पडताळणी करून ती मंजूर करून देण्याच्या मोबदल्यात अकरा हजार रुपयांची लाच घेताना …
राहुल आहेर यांची निवडणूक रिंगणातून माघार केदा आहेर यांच्या उमेदवारीसाठी शिफारस काजी सांगवी : वार्ताहर…
नाशिक:प्रतिनिधी जिल्हा शासकीय रुग्णालयात काल झालेल्या बाळ अदलाबदल प्रकरणी आरोग्य विभागाने कारवाईचा बडगा उगारला आहे.…
आयुक्तालय हद्दीत पोलीस अधिकाऱ्यांच्या बदल्या सातपूर: प्रतिनिधी विधानसभा निवडणुकीच्या पार्श्वभूमीवर महाराष्ट्र पोलीस दलातील पोलीस अधिकार्यांच्या…