कार-एसटी अपघातात , 5 भाविकांवर काळाचा घाला

लातूर प्रतिनिधी
लातूर – उदगीर मार्गावरील लोहारा गावाजवळ भीषण अपघात झाला. एसटी बस आणि कारमध्ये भीषण अपघात झाला. या अपघातात कारमधील 5 जणांचा जागीच मृत्यू झाला. तर बसमधील 10 प्रवासी जखमी झाले. ठार झालेले हे कारमधील प्रवासी आहेत. एका गंभीर जखमीला उपचारासाठी रुग्णालयात दाखल करण्यात आले आहे. आज मंगळवारी सकाळी नऊच्या सुमारास ही दुर्घटना घडली.
उदगीर – नळेगावर रस्त्यावरील हैबतपूर पाटीजवळ हा भीषण अपघात झाला. कारमधील भाविक तुळजापूरच्या तुळजाभवानीचं दर्शन घेऊन माघारी परतत होते तर बस चाकूर कडे जात होती. अपघातानंतर रस्त्यावर मोठी वाहतूक कोंडी झाली. पोलिसांनी घटनास्थळी धाव घेत, जखमींना रुग्णालयात हलवले.