अंधेरी पोटनिवडणुकीत मशाल पेटली
ऋतुजा लटके विजयी
मुंबई: राज्यात सत्तांतर झाल्यानंतर झालेल्या अंधेरी(andheri) विधानसभा मतदार संघ निवडणुकीत अखेर उद्धव ठाकरे गटाच्या उमेदवार ऋतुजा लटके यांनी विजय संपादन केला, ऋतुजा लटके यांना 65335 मते मिळाली, तर दुसऱ्या क्रमांकाची 12691 मते ही नोटाला पडली, भारतीय जनता पक्षाने येथे मुरजी पटेल यांना उमेदवारी दिली होती, परंतु राज ठाकरे यांनी केलेल्या आवाहन नंतर त्यांची उमेदवारी मागे घेण्यात आली होती, त्यामुळे लटके यांचा विजय निश्चित मानला जात होता, तथापि नोटला मतदान करा असा प्रचार भारतीय जनता पक्षाच्या वतीने केला गेल्याचा आरोप शिवसेनेने केला आहे,
, आज सकाळ पासून मतमोजणीला सुरवात झाली, येथे शिवसेना उद्धव ठाकरे गटाकडून ऋतुजा लटके रिंगणात असून त्यांच्या विरोधात भाजप, शिंदे गटाने उमेदवार दिलेला नव्हता,, एकतर्फी झालेल्या या निवडणुकीत मतांचा टक्का घसरला होता, येथे नोटांचा वापर करण्याची ऑडिओ क्लिप व्हायरल झाली होती,
सकाळी मतमोजणीला सुरवात झाल्या नंतर पहिल्या फेरीपासून ऋतुजा लटके आघाडीवर होत्या,, पहिल्या फेरीत त्यांना 4277 मते मिळाली, त्याखालोखाल नोटा ला 622 मते मिळाली, दुसऱ्या फेरीत 7817 तर नोटला 1470 मते मिळाली, तिसऱ्या फेरीत 11,368 तर चौथ्या फेरीत 14 हजाराहून अधिक मते मिळाली, होती, ही आघडी पुढे वाढत गेली, 15 व्या फेरीनंतर लटके यांना 66335 मते मिळाली,
नोटा दुसऱ्या क्रमांकावर
अंधेरी निवडणुकीत दुसऱ्या क्रमांकावर नोटा राहिल्यामुळे हा भाजप चा डाव असल्याची टीका होत आहे,