आकाशातून वस्तू पडल्याने शेतकऱ्यांमध्ये घबराट
लासलगाव प्रतिनिधी
लासलगाव जवळील कोटमगाव येथे वनसगाव रोडवरील रंगनाथ वारुळे यांच्या शेतात आकाशातून बॅटरी व लाईट असलेली वस्तू पडल्याने वारुळे वस्ती वरील शेतकऱ्यांमध्ये मोठ्या प्रमाणात घबराटीचे वातावरण निर्माण झाले. या बाबत मिळालेल्या माहितीनुसार कोटमगाव येथे वनसगाव रोडवरील रंगनाथ वारुळे यांच्या शेतात आकाशातून बॅटरी व लाईट असलेली वस्तू पडल्याची माहिती सचिन पवार यांनी लासलगाव पोलिसांना दिली. याबाबत लासलगाव पोलिसांना माहिती मिळताच पोलिसांनी घटनास्थळी येऊन पाहणी केली असता
हवामानाची माहिती मिळविण्यासाठी हवेत सोडले जाणारे यंत्र तुटून पडल्याची माहिती देताच शेतकऱ्यांनी सुटकेचा निःश्वास सोडला हे यंत्र लासलगाव पोलिसांनी ताब्यात घेतले असून पुढील तपासासाठी संबधित विभागाशी संपर्क सुरु केला आहे.