भुजबळांचे नाव कोनशिलेवरुन हटविले
निफाड ।प्रतिनिधी
निफाड तालुक्यातील सारोळे खुर्द येथील ग्रामपंचायतीचे संगणक हॉल आधुनिक स्वच्छतागृह व संरक्षक भिंत बांधकामाच्या उदघाटनाची दि २४ आक्टोबर २०२३ रोजी लावलेल्या कोनशिलेवरील अन्न व नागरी पुरवठा मंत्री छगनराव भुजबळ यांचे नाव व पद मराठा आंदोलकांनी तोडुन टाकले आहे विशेष म्हणजे सारोळे खुर्द हे गांव छगनराव भुजबळ यांचे मतदारसंघातील गांव आहे.मराठा आरक्षणाचा प्रश्न आता चांगलाच गंभीर बनत चालला असून, मराठा समाज आक्रमक झाला आहे, एकच मिशन मराठा आरक्षण असे म्हणत गावोगावी मराठा समाज बांधव आता आरक्षण मिळण्यासाठीरस्त्यावर उतरताना दिसत आहे, भुजबळ यांना मतदार संघातील गावांमध्येच विरोध सुरु झाला आहे.