कोकणमध्ये ज्ञानेश्वर म्हात्रे विजयी
मुंबई : कोकण शिक्षक मतदार संघाच्या निवडणुकीत अखेर भाजपा- शिंदे गटाचे उमेदवार ज्ञानेश्वर म्हात्रे हे विजयी झाले. म्हात्रे यांना पहिल्या पसंतीची जवळपास 20 हजार मते मिळाली आहेत. म्हात्रे यांच्या विजयासह भाजप आणि शिंदे गटाने विधानपरिषद निवडणुकीत महाविकास आघाडीला पहिला धक्का दिला आहे. विधानपरिषदेच्या पाच जागांसाठी मतदान झाले. कोकणमध्ये शेकापचे उमेदवार बाळाराम पाटील यांना पराभवाचा सामना करावा लागला. बाळाराम पाटील यांनी महाविकास आघाडीतील घटकपक्षांच्या मदतीने म्हात्रे यांना आव्हान दिले होते. मात्र अखेर बाळाराम पाटील यांच्या पदरी निराशा पडली आहे.