नाशिकरोड : प्रतिनिधी
चार ते पाच जणांच्या टोळक्याने चार चाकी गाड्यांची तोडफोड केल्याची घटना जेलरोड परिसरातील नारायण बापू नगर येथे आज पहाटे घडली. पार्किंगच्या वादातून हा प्रकार झाला आहे.याप्रकरणी उपनगर पोलिसांनी
चार जणांना अटक केली आहे.
या प्रकारामुळे जेलरोड परिसरातील नारायण बापू नगर मध्ये घबराट निर्माण झाली असून संबंधित टोळक्याने दहशत निर्माण व्हावी म्हणून गाड्यांची तोडफोड केली असल्याचे समजते. गाड्यांची तोडफोड झाल्याचे समजता च परिसरातील नागरिक मोठ्या संख्येने जमा झाले व त्यांनी संबंधित आरोपीवर कारवाई करण्याची मागणी केली याबाबत पुढील तपास वरिष्ठ पोलीस निरीक्षक निलेश माईनकर यांच्या मार्गदर्शनाखाली सुरू आहे.