लासलगावी भर चौकातून दुचाकी चोरी

घटना सीसीटीव्हीत कैद

लासलगाव :समीर पठाण

लासलगाव शहरातील बाजारपेठेत असलेल्या झेंडा चौक येथील दुकानासमोर लावलेली दुचाकी चोरट्याने चोरी करून नेल्याची घटना घडली असून हा सर्व प्रकार शेजारील दुकानात असलेल्या सी सी टी व्हि मध्ये कैद झाला आहे.या संदर्भात लासलगाव पोलिस ठाण्यात तक्रार दाखल करण्यात आली असून सीसीटीव्हीच्या आधारे पुढील तपास पोलीस करीत आहे.या बाबत मिळालेल्या माहिती नुसार शहरातील झेंडा चौक बाजारपेठेत असलेल्या हर्षदिप वस्त्रालय नावाच्या कापड दुकानासमोर बुधवारी सायंकाळी 05/45 वाजेच्या दरम्यान मयुर सुधीर झांबरे यांनी होंडा ड्रीम युगा काळ्या रंगाची व लाल रंगाचा पट्टा असलेली मोटार सायकल क्रं MH 15 FB 2184 लावलेली होती,त्यावेळी पाऊस चालु असल्यामुळे घाईघाईत मोटारसायकलला चावी तशीच राहून गेली.पाउस बंद झाल्यानंतर गाडीची चावी काढण्यासाठी झांबरे दुकानाबाहेर गेलो असता मोटार सायकल लावलेल्या ठिकाणी नसल्याचे त्यांच्या लक्षात येताच शेजारील दुकानात लावलेल्या सी सी टी व्ही फुटेज त्यांनी चेक केले असता कोणीतरी अज्ञात इसम गाडी सुरू करुन घेवुन जात असल्याचे फुटेजमध्ये दिसून आले.तातडीने त्यांनी आजूबाजूला या इसमाचा व मोटारसायकल चा शोध घेतला परंतु दोघेही मिळून आले नाहीया संदर्भात लासलगाव पोलिस ठाण्यात अज्ञात चोरट्या विरुध्द तक्रार दाखल करण्यात आली असून सीसीटीव्हीच्या आधारे पुढील तपास सहायक पोलीस निरीक्षक राहुल वाघ यांच्या मार्गदर्शनाखाली पोलीस कर्मचारी करीत आहेत.