दिवाळीमुळे रविवारीही सिटीलिंक पूर्ण क्षमतेने धावणार

नाशिक : प्रतिनिधी

धनत्रयोदशी पासून दिवाळी सणास प्रारंभ होत आहे. वर्षातील सर्वात मोठा सण असल्यामुळे नागरिकांची खरेदीसाठी, गावी जाण्यासाठी लगबग दिसून येते. या कालावधीत प्रवाशांंची कोणतीही गैरसोय होऊ नये यासाठी दिवाळी काळात सुट्टीच्या दिवशी देखील पूर्ण क्षमतेने बसेस चालविण्याचा निर्णय सिटीलिंक प्रशासनाने घेतला आहे.

हेही वाचा : सिटीलिंक बस चालक, वाहकाचा प्रामाणिकपणा

सिटीलिंकच्या वतीने शासकीय सुट्टी, सार्वजनिक सुट्टी (रविवार )च्या दिवशी प्रवासी प्रतिसाद कमी मिळत असल्याने बस फेर्यांमध्ये कपात करण्यात येते. मात्र दिनांक 22 ऑक्टोबर पासून दिवाळी सुरू होत असल्याने सुट्टी असली तरी बसेस पूर्ण क्षमतेने चालविण्याचा निर्णय प्रशासनाने घेतला आहे. दिनांक 23 व 30 ऑक्टोबर रोजी रविवार असला तरी प्रवाशांची गैरसोय होऊ नये यासाठी रविवारच्या दिवशी देखील सर्व बसेस सुरू असतील. तरी प्रवाशांनी या बसेसचा लाभ घेण्याचे आवाहन सिटीलिंकच्या वतीने करण्यात आले आहे.

हेही वाचा : सिटी लिंकच्या ओपन एंडेड पास मध्येच दरवाढ, प्रवास भाडे जैसे थे

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.