नाशिक : प्रतिनिधी
सिटी लिंक बससेवेचे कामकाज नेमके कसे चालते? या विषयी सामान्य प्रवाशांमध्ये कुतुहल असते. मात्र, आता हे कामकाज पाहण्याची संधी सामान्य प्रवाशांना उपलब्ध होणार आहे.
सिटी लिंक बससेवा नाशिककरांच्या रोजच्या आयुष्याच्या अविभाज्य भाग झाला आहे.
एका क्लिकवर तिकीट बुक करणे, ऑनलाइन पासेस काढणे, पासेस अद्ययावत करणे, प्रवास मार्ग आपल्या मोबाइल ऍपवर बघणे, बस कधी येणार, कुठे जाणार, सध्या कुठे आहे, अशी सर्व माहिती एका क्लिकवर प्रवाशांना मिळण्याची सुविधा सिटीलिंकने उपलब्ध करून दिली आहे. त्यामुळे सिटी लिंकच्या कामकाजाविषयी नागरिकांमध्ये उत्सुकता निर्माण झाली आहे. त्यामुळेच आता सिटीलिंकने दर शनिवारी आपली कंट्रोल रूम बघण्याची आणि तेथील कामकाजाची माहिती जाणून घेण्याची सुविधा प्रवाशांसाठी उपलब्ध करून देणार आहे. यामध्ये बसेसचे परिचालन कसे चालते, सिटीलिंक आपल्या बससेवेवर कसे नियंत्रण ठेवते, बसेस कोणत्या थांब्यावर थांबल्यात, बसेसने कोणत्या मार्गावरून किती वाजता फेरी सुरू केली, केव्हा बस फेरी संपली, जीपीएस यंत्रणा कशी कार्य करते अशी सर्व माहिती प्रवाशांना जाणून घेता येणार आहे. दर शनिवारी 11 ते 12 या वेळेत हा उपक्रम राबविण्यात येणार आहे. तर एकावेळी केवळ 10 व्यक्तींनाच या उपक्रमाचा लाभ घेता येणार आहे. त्यासाठी जे प्रवासी इच्छुक आहे त्यांना 10 ते 6 या कार्यालयीन वेळेतच 8793999860 या मोबाइल क्रमांकवरून भेटीची तारीख निश्चित करता येईल. शनिवार दि. 4 जूनपासून हा अनोखा उपक्रम सुरू करण्यात येणार असल्याची माहिती सिटीलिंकच्या वतीने देण्यात आली आहे.
तलवारीचा धाक दाखवून दहशत माजवणाऱ्यास नाशिकरोड पोलिसांनी ठोकल्या बेड्या नाशिकरोड : प्रतिनिधी तलवारीचा धाक दाखवत…
आगामी होणाऱ्या विधानसभा निवडणुकीसाठी प्रशासन सज्ज : सुवर्णा चव्हाण मनमाड : आमिन शेख आगामी होणाऱ्या…
नाशिक: प्रतिनिधी वेतन पडताळणी करून ती मंजूर करून देण्याच्या मोबदल्यात अकरा हजार रुपयांची लाच घेताना …
राहुल आहेर यांची निवडणूक रिंगणातून माघार केदा आहेर यांच्या उमेदवारीसाठी शिफारस काजी सांगवी : वार्ताहर…
नाशिक:प्रतिनिधी जिल्हा शासकीय रुग्णालयात काल झालेल्या बाळ अदलाबदल प्रकरणी आरोग्य विभागाने कारवाईचा बडगा उगारला आहे.…
आयुक्तालय हद्दीत पोलीस अधिकाऱ्यांच्या बदल्या सातपूर: प्रतिनिधी विधानसभा निवडणुकीच्या पार्श्वभूमीवर महाराष्ट्र पोलीस दलातील पोलीस अधिकार्यांच्या…