मनमाडचा महावितरण कंपनीचा लिपिक लाच घेताना जाळ्यात

मनमाडचा महावितरण कंपनीचा लिपिक लाच घेताना जाळ्यात
नाशिक : प्रतिनिधी

महावितरण कंपनीतील उच्च स्तरीय लिपिक समाधान त्र्यंबक हिवाळे रा. प्लॉट नंबर 15, सारथी अपार्टमेंट,नरहरी नगर, पाथर्डी फाटा नाशिक यास सात हजार रुपयांची लाच घेताना लाच लुचपत प्रतिबंधक विभागाने रंगेहाथ पकडले.
तक्रारदार हे तंत्रज्ञ म्हणून काम करतात. तक्रारदार आणि त्यांचे तीन मित्र यांची बदली एका विभागातून दुसऱ्या विभागात करण्यासाठी प्रत्येकी तीन हजार असे बारा हजार मागितले होते. त्यापैकी पाच हजार तक्रारदार याच्या मित्राने काही दिवसांपूर्वी फोन पे केले होते उर्वरित सात हजार रुपयांसाठी तक्रारदाराकडे संशयित लाचखोर हिवाळे याने तगादा लावला होता त्यामुळे तक्रारदाराने लाच लुचपत प्रतिबंधक विभागाकडे तक्रार केली होती त्यानुसार काल सापळा रचण्यात आला पोलीस निरीक्षक नीलिमा डोळस यांच्या मार्गदर्शनाखाली हवालदार संदीप वनवे संदीप हांडगे सुरेश चव्हाण यांनी रचलेल्या सापळ्यात समाधान हिवाळे हे रंग हात पकडले लाच लुचपत प्रतिबंधक विभागाच्या अधीक्षक शर्मिष्ठा वालावलकर अपरधीक्षक माधव रेड्डी उपाधीक्षक नरेंद्र पवार यांच्या मार्गदर्शनाखाली तपास सुरू आहे

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.