मुख्यमंत्री एकनाथ शिंदे यांनी केली अपघातस्थळाची पाहणी

पोलीस अधिकाऱ्यांकडून जाणून  घेतली माहिती

नाशिक : प्रतिनिधी

शनिवारी पहाटे पाच-साडे पाच वाजण्याच्या सुमारास खासगी लक्झरी बस आणि कोळशाने भरलेल्या ट्रकमध्ये जोरदार धडक झाली. या धडकेनंतर डिझेल टँक फुटून बसने पेट घेतला. यानंतर लागलेल्या आगीत अनेक प्रवासी होरपळले. त्यातील 12 प्रवाशांचा मृत्यू झाल्याची दुर्दैवी घटना घडली. अपघातात 32 प्रवासी जखमी झाले.. दरम्यान अपघाताची माहिती मिळताच
मुख्यमंत्र्यांनी अपघातात मृत्यू झालेल्या प्रवाशांच्या नातलगांना मुख्यमंत्री सहाय्यता निधीतून 5 लाख रुपयांची मदत जाहीर केली. तसेच मुख्यमंत्री एकनाथ शिंदे यांनी स्वतः दुपारी 1 वाजता नाशिकमध्ये अपघातस्थळी जाऊन आगीत कोळसा झालेली बसची त्यांनी पाहणी केली.
यावेळी त्यांनी पोलीस अधिकाऱ्यांशी संवाद साधला. पोलिसांनी अपघातानंतर केलेल्या पंचनाम्यातून काय माहिती समोर आली आहे, हे त्यांनी जाणून घेतलं
काही पोलीस अधिकारी मुख्यमंत्री एकनाथ शिंदे यांना अपघाताची माहिती देताना दिसून आले. दरम्यान, या अपघातानंतर करण्यात आलेल्या पाहणीवेळी पालकमंत्री दादा भुसे, आणि मंत्री गिरीश महाजन, आमदार देवयानी फरांदे, सुहास कांदे हे देखील उपस्थित होते.स्थानिक प्रशासकीय यंत्रणा, पोलीस अधिकारी आणि कर्मचारी वर्गासोबत एकनाथ शिंदे यांनी यावेळी अपघात झाले्लया ठिकाणाची पाहणी केली. अपघातानंतर बसला आग लागल्यामुळे मोठी दुर्घटना घडली होती. या आगीत 12 जणांचा होरपळून मृत्यू झालाय. या अपघातातील मृतांचा आकडा वाढण्याचीही भीती व्यक्त केली जात आहे.. पाहणी केल्यानंतर मुख्यमंत्री एकनाथ शिंदे यांनी जखमी प्रवाशांचीही भेट घेतली. या भेटीदरम्यान, त्यांनी जखमी प्रवाशांची विचारपूस केली. स्थानिक जिल्हा सामान्य रुग्णालयासह खासगी रुग्णायलातही जखमींवर सध्या रुग्णालयात उपचार सुरु आहेत.यावेळी वैद्यकीय अधिकाऱ्यांशीही मुख्यमंत्र्यांनी चर्चा केली. जखमींना बरं करण्यासाठी कोणत्याही गोष्टींची कमतरता पडू नये, याची काळजी घेण्याचे निर्देश मुख्यमंत्र्यांनी यावेळी दिले. डॉक्टरांच्या पथकासोबतही त्यांनी यावेळी संवाद साधला. राज्य शासनाकडून पाच तर पंतप्रधानांनी मृतांच्या कुटुंबीयांना दोन लाख रुपयांची मदत जाहीर केलीय. जखमींना 50 हजार रुपयांची मदत करण्यात येणार असल्याचं म्हटलंय.