द्वारका चौकात भीषण अपघात; महिलेचा मृत्यू

नाशिक – (विशेष प्रतिनिधी)
द्वारका चौकात १६ चाकी सिमेंट मिक्सरच्या मागील चाकाखाली आल्याने अँक्टीवा मोपेडवरील धडक दिल्याने सुनंदा चोरडिया (वय ५२, रा. अशोका मार्ग) यांचा मृत्यू झाला.
प्रत्यक्षदर्शी तसेच पोलिसांनी दिलेल्या माहितीनुसार पहाटे ६.३० द्वारका चौकातील पूर्वी असलेल्या हनुमान मंदिरासमोर हा अपघात झाला. शिरपूर येथे जायचे असल्याने सुनंदा चोरडिया या पती राजेंद्र यांच्या समवेत अँक्टीवा (एमएच १५ ईके ४४११) मोपेडने जात होत्या. द्वारका चौकातून जात असताना सुनंदा चोरडिया यांचा तोल गेल्याने त्या दुचाकीवरून पडल्या. शेजारून जात असलेल्या १६ चाकी सिमेंट मिक्सर (एमएच १५ एचझेड ४६४६) च्या चाकाखाली आल्या. डोक्यावरून चाक गेल्याने त्यांचा जागीच मृत्यू झाला. मात्र पती राजेंद्र चोरडिया यांना काहीही दुखापत झाली नाही. डोळ्यासमोर पत्नीचा मृत्यू झाल्याने त्यांना जबर धक्का बसला होता. अपघाताचे वृत्त समजताच मुंबई नाका पोलीस ठाण्याचे उपनिरीक्षक हसन सय्यद यांनी घटनास्थळी धाव घेतली. अपघातानंतर घाबरून पळून जाणाऱ्या चालकास वाहनासह राणेनगर परिसरात ताब्यात घेण्यात आले आहे. वाहन चालकाचे नाल शिवशंकर यादव असल्याचे समजते.