लेडीज टेलर दुकानाला आग
शॉर्टसर्किटमुळे आग लागल्याचा अंदाज
नाशिक प्रतिनिधी
नवीन नासिक सिहस्थ नगर येथील संजय राका चौकात हेतल लेडीज टेलर या दुकानाला (दि ७)पहाटे पावणे पाच च्या दरम्यान आग लागली. नवीन नाशिक सिडको या वसाहतीतील रोडवर असलेले हे दुकान नागरिकांच्या सतर्कतेमुळे प्रसंगावधान राखून तात्काळ विझवण्यात आली.
आगीत ग्राहकांचे शिवण्यासाठी दिलेले कपडे आणी रेडीमेड कपडे तसेच दुकानातील इतर साहित्य जळून खाक झाले.इस्त्री चे बटन सुरू राहिल्याने शॉक सर्किट झाल्याचा प्राथमिक अंदाज वर्तवण्यात येत आहे पहाटे साडेपाचच्या दरम्यान नागरिकांची वर्दळ सुरू असताना शेजाऱ्यांनी संबंधित दुकान मालकाला फोन करून आगीची सूचना दिली. त्यानंतर तात्काळ पोलिस आणि अग्निशामक दलाला पाचारण केले
नागरिकांनी घरातून पाणी आणून आगीवर नियंत्रण मिळवले. सुदैवाने यात कोणतेही जीवित हानी झाली नाही. नागरिकांच्या सतर्कतेमुळे पुढील अनर्थ टाळला.