नाशिक: तामिळनाडू राज्यातुन नाशिकमध्ये रोजगारासाठी आलेल्या एका इडली विक्रेत्याकडे तब्बल पाच लाखांच्या बनावट नोटा सापडल्याची घटना उघडकीस आली आहे, भारत नगर येथे इडली विक्री करणाऱ्या मलायारसन मदतसमय यांच्याकडून
500 आणि दोन हजार रुपयांच्या 244 बनावट नोटा पोलिसांनी जप्त केल्या आहेत. या बनावट नोटा बाजारात चलनात आणताना पोलिसांनी ही कारवाई केली आहे. मलायारसन हा मूळ तामिळनाडू राज्यातील आहे.
भारतीय चलनी नोटा नकली तयार करणे आणि त्या नोटा खरे चलन म्हणून वापरणे याप्रकरणी गुन्हा
दाखल करण्यात आला आहे. या व्यक्तीकडून एकूण 5
लाख 8 हजार रुपये किंमतीच्या बनावट नोटा, 3 हजार
तीनशे रुपये रोख रक्कम आणि मोबाईल जप्त करण्यात
आला आहे.
याप्रकरणी मुंबई नाका पोलीस ठाण्यात गुन्हा दाखल करण्यात आला आहे. रात्री भारतनगर परिसरातून पोलिसांनी या संशयितला अटक केली. सहाय्यक पोलीस निरीक्षक रौंदळे अधिक तपास करत आहे.