वाहनांची तोडफोड; भीतीचे वातावरण, नागरिकांत संताप
सिडको : विशेष प्रतिनिधी
अंबड पोलीस ठाण्याच्या हद्दीतील गणेश चौक व हनुमान चौक परिसरात रविवारी रात्री अज्ञात टोळक्याने धुडगूस घालत वाहनांची तोडफोड केली. या घटनेत रस्त्याच्या कडेला उभ्या असलेल्या तीन चारचाकी वाहनांसह एका दुचाकीचे मोठे नुकसान झाले. या प्रकारामुळे परिसरात भीतीचे वातावरण पसरले आहे. नागरिकांनी तीव्र संताप व्यक्त केला आहे.
रविवारी (दि. 25) रात्री सुमारे 10 ते 10.30 च्या सुमारास ही घटना घडली. अचानक परिसरात दाखल झालेल्या टोळक्याने हातातील हत्यारे व दगडांच्या सहाय्याने वाहनांच्या काचा फोडण्यास सुरुवात केली. वाहनांची तोडफोड होत असल्याचा आवाज ऐकताच नागरिक घराबाहेर आले. काही नागरिकांनी टोळक्याचा पाठलाग करण्याचा प्रयत्न केला. मात्र, अंधाराचा फायदा घेत संबंधित टोळके घटनास्थळावरून पसार झाले. स्थानिक नागरिकांच्या माहितीनुसार, गणेश चौक येथील एम.एस.ई.बी.कार्यालयाच्या मागील भागात दररोज रात्री काही टवाळखोर मद्यप्राशनासाठी जमतात. या ठिकाणी नियमितपणे नशेचा अड्डा सुरू असल्याचा आरोप रहिवाशांनी केला आहे. नागरिकांनी त्यांना हटकण्याचा प्रयत्न केल्यास शिवीगाळ करणे अथवा अंगावर धावून जाण्याचे प्रकार घडत असल्याचेही सांगण्यात आले. या परिसरात टवाळखोरांचा उपद्रव दिवसेंदिवस वाढत आहे. भीतीपोटी कोणीही पुढे येण्यास तयार नसते. मात्र, रविवारी झालेल्या तोडफोडीमुळे संयमाचा अंत झाला आहे.
पोलिसांनी रात्रीची गस्त वाढवून या गुंडांचा कायमचा बंदोबस्त करावा, अशी नागरिकांची मागणी आहे. या घटनेनंतर संतप्त नागरिक मोठ्या संख्येने रस्त्यावर उतरले आणि अंबड पोलीस ठाण्यात धाव घेतली. उशिरापर्यंत अज्ञात टोळक्याविरोधात गुन्हा दाखल करण्याची प्रक्रिया सुरू होती. शहरात कायद्याचा धाक शिल्लक आहे की नाही, असा सवाल आता उपस्थित केला जात आहे.
पुरवठा विभागाच्या छाप्यात 26 लाखांचा मुद्देमाल जप्त नाशिक/सिडको ः प्रतिनिधी देशात गॅसची टंचाई असताना नाशिक…
मराठी नववर्षाच्या स्वागतासाठी लगबग नाशिक ः प्रतिनिधी अवघ्या एक दिवसावर आलेल्या मराठी नववर्ष गुढीपाडव्याच्या सणासाठी…
आज जागतिक पुनर्वापर दिन : पर्यावरण रक्षणाची गुरुकिल्ली नाशिक : देवयानी सोनार वाढती लोकसंख्या तितक्याच…
स्थायी सदस्य गामणेंचा गंभीर आरोप, मनपा आयुक्तांचे चौकशीचे आदेश नाशिक : प्रतिनिधी महापालिका हद्दीत पुन्हा…
धरण समूहात 55 टक्के साठा नाशिक : प्रतिनिधी मार्च महिन्याच्या मध्याला उन्हाचा झळा अधिक तीव्र…
पिढ्यान्पिढ्या ग्राहकांच्या पसंतीस उतरलेली बारामतीची सुप्रसिद्ध सुवर्णपेढी ‘चंदुकाका सराफ’ यांनी यंदाच्या लग्नसराईसाठी ‘विवाह तस्मै’ हे…