महापौरपदी हिमगौरी आडके, शिंदे सेनेचे विलास शिंदे उपमहापौर

नाशिक: प्रतिनिधी

नाशिक महानगरपालिकेत भारतीय जनता पार्टी आणि शिवसेना शिंदे गटाची अखेर युती झाली असून, महापौर पदी भाजप च्या हिमगौरी आडके आणि उपमहापौर पदी शिवसेना शिंदे गटाचे विलास शिंदे यांचे नाव निश्चित करण्यात आले आहे.11 वाजता महापालिकेच्यासभागृहात निवड प्रक्रिया होणार आहे. भाजपने 72 जागा मिळवल्याने आम्हाला कुबड्यांची गरज नाही, अशी भूमिका कुंभमेळा मंत्री गिरीश महाजन यांनी घेतली होती. परंतु वरिष्ठ पातळीवर युतीचा निर्णय घेण्यात येऊन शिवसेनेला उपमहापौर पद देण्याचे निश्चित करण्यात आले आहे, उपमहापौर पदासाठी बंटी तिदमे, दिवे यांनी अर्ज दाखल केले आहेत, परंतु वरिष्ठ पातळीवर शिंदे यांच्या नावावर शिक्कामोर्तब करण्यात आला आहे