सिडको विशेष प्रतिनिधी
पक्षामध्ये उघडपणे नाराजी व्यक्त करणं हा जर गुन्हा असेल तर तो गुन्हा मी केलेला आहे, आणि जर त्या गुन्ह्याची शिक्षा हकालपट्टी असेल, तर त्याचं उत्तर मी काय देणार, असा थेट सवाल सुधाकर बडगुजर यांनी केला आहे. पक्षविरोधी वक्तव्य केल्याचा ठपका ठेवत त्यांची हकालपट्टी करण्यात आली. मात्र मी पक्षाविरुद्ध कोणतंही वक्तव्य केलेलं नाही, असा दावा त्यांनी केला.
मी असं काही वक्तव्य केलं असेल, तर ते मीडियामार्फत समोर आणावं, असं थेट आव्हानच माजी सभागृह नेते तथा शिवसेनेचे उपनेते बडगुजर यांनी दिलं. संघटनात्मक बदल झाल्यानंतर नाराजी व्यक्त केली होती, आणि ती काल उघडपणे बोलून दाखवली. तो जर गुन्हा असेल तर तो मी केलाय, आणि त्याची शिक्षा हकालपट्टी असेल, तर ती मला मान्य आहे, असं त्यांनी स्पष्ट केलं.
उद्धव ठाकरे यांच्याशी संवाद साधणार का, असा प्रश्न विचारण्यात आला असता, त्यांनी उत्तर दिलं की हकालपट्टीनंतर कोणता संवाद साधायचा? न्यायालयातसुद्धा एकतर्फी निर्णय होत नसतो. दोन्ही बाजू ऐकून निर्णय घेतला जातो. मात्र इथे तसं झालेलं नाही, असं सांगत सुधाकर बडगुजर यांनी नाराजी व्यक्त केली.दरम्यान शिवसेना कार्यालयात आज काही नियोजित प्रवेश होते. पण काही वैयक्तिक कार्यक्रमामुळे मी बाहेर होतो, त्यामुळे पक्ष कार्यालयात जाऊ शकलो नाही, असंही त्यांनी शेवटी सांगितलं.
दरम्यान सुधाकर बडगुजर यांच्या समर्थकांनी सिडकोतील बडगुजर यांच्या कार्यालयाबाहेर घोषणाबाजी करुन बडगुजर यांचे समर्थन केले
मनमाड : आमिन शेख मनमाड नजीक असलेल्या रायपूर भडाने या गावातील रामदास सिताराम आहेर या…
वर्षभरात साडेचार हजार किलो प्लास्टिक जप्त नाशिक : प्रतिनिधी महापालिका हद्दीत धोकादायक प्लास्टिक वापराला प्रतिबंध…
प्रथमच दूरदृश्यप्रणालीचा यशस्वी वापर नाशिक : प्रतिनिधी महाराष्ट्र राज्य सहकारी आदिवासी विकास महामंडळाने आपल्या विविध…
मौनव्रत असल्याने माध्यमांना प्रतिक्रिया नाही पंचवटी : वार्ताहर राष्ट्रवादी अजित पवार गटाचे माजी मंत्री धनंजय…
राजकीय पुनर्वसन कुठे होणार? नाशिक : प्रतिनिधी मुख्यमंत्री देवेंद्र फडणवीस यांची भेट घेऊन चर्चेत आलेले…
पुन्हा चूक होता कामा नये; जिल्हाधिकार्‍यांना इशारा नाशिक : प्रतिनिधी मुख्यमंत्री देवेंद्र फडणवीस यांनी गेल्या…