लासलगाव येथे भरदिवसा सोन्याची पोत चोरण्याचा प्रयत्न

लासलगाव येथे भरदिवसा सोन्याची पोत चोरण्याचा प्रयत्न

लासलगाव प्रतिनिधी

लासलगाव शहरातील मुख्य बाजारपेठेत असलेल्या
एका नामांकित सोनाराच्या दुकानात भरदिवसा सोन्याची पोत चोरी करणाऱ्या चोरास दुकानात उभ्या असलेल्या ग्राहकांनी दुकानदारांच्या मदतीने पकडला.

या बाबत मिळालेल्या माहितीनुसार मंळगवारी सायंकाळी ६ वाजेच्या दरम्यान दुकानदार ग्राहकाला पोत आणि सोने व चांदीची दागिने दाखवत असतांना तोंड बांधलेला एक चोरटा दुकानात शिरला.त्यानंतर त्याने दुकानदार आणि ग्राहकाची नजर चुकून तीन तोळ्याची अंदाजे दोन लाख रुपये किंमतीची पोत उचलून पळून जाण्याचा प्रयत्न केला.

मात्र दुकानात असलेल्या ग्राहकाने या चोरट्याला पकडले. त्यानंतर दुकानदारही पुढे आले.त्यामुळे या चोरट्याचा चोरीचा प्रयत्न फसला.हा चोरीचा संपूर्ण प्रकार दुकानात असलेल्या सीसीटिव्ही कॉमेऱ्यात कैद झाला.