मजूर फेडरेशनच्या चेअरमनपदी भाबड, व्हा.चेअरमनपदी कुशारे

मजूर फेडरेशनच्या चेअरमनपदी
भाबड, व्हा.चेअरमनपदी कुशारे
नाशिक : जिल्हा मजूर फेडरेशनच्या अध्यक्षपदी नांदगाव येथील प्रमोद भाबड तर व्हा.चेअरमनपदी शर्मिला कुशारे यांची निवड झाली. दोन्ही उमेदवार राजेंद्र भोसले गटाचे आहेत. भोसले यांच्याकडे वीस पैकी 12 संचालक होते. त्यामुळे चेअरमन, व्हा.चेअरमन भोसले गटाचेच होणार हे निश्‍चित होते. चेअरमनपदासाठी भोसले गटाकडून प्रमोद भाबड तर संपतराव सकाळे गटाकडून ज्ञानेश्‍वर लहाने. व्हा.चेअरमनपदासाठी भोसले गटाकडून शर्मिला कुशारे तर सकाळे गटाकडून सुरेश भोये यांनी अर्ज केले होते. मात्र, भोसले गटाच्या उमेदवारांना 12 तर सकाळे गटाच्या उमेदवारांना 8 मते मिळाल्याने भाबड आणि कुशारे विजयी घोषित करण्यात आले. या निवडीनंतर जल्लोष करण्यात आला.