नाशिकरोड : वार्ताहर
विहितगाव परिसरात दहशत निर्माण करण्याच्या उद्देशाने पानटपरीत कोयता लपवून ठेवणार्‍या युवकाला उपनगर पोलिसांकडून अटक करण्यात आली.
पोलिसांकडून मिळालेल्या माहितीनुसार, विहितगाव पुलाजवळ देवळालीगाव परिसरात ओमकर पानटपरी नावाने दीपक पगारे (वय 40) या युवकाची टपरी आहे. त्याने आपल्या टपरीमध्ये कोयता लपवून ठेवला होता. परिसरात दहशत माजवण्यासाठी त्याने हा कोयता बाळगल्याची माहिती उपनगर पोलिसांना मिळाल्यानंतर पोलिसांनी तत्काळ कारवाई केली.
यावेळी कोयता आढळून आला असून, दीपक पगारे याला अटक करण्यात आली आहे. त्याच्यावर गुन्हा दाखल करण्यात आला आहे. ही कारवाई वरिष्ठ पोलीस निरीक्षक जितेंद्र सपकाळे यांच्या मार्गदर्शनाखाली पोलीस उपनिरीक्षक प्रभाकर सोनवणे, हवालदार विनोद लखन, पोलीस शिपाई पंकज कर्पे, सौरभ लोंढे, संदेश रगतवान, सूरज गवळी आणि सुनील गायकवाड यांनी
कारवाई केली.