नाशिक: प्रतिनिधी
शहरातील काही हिंदुत्ववादी संघटना लव्ह जिहाद विरोधात आज मोर्चा काढणार आहे, तर दुसरीकडे आफताब पूनावालासह सर्व बलात्कार्‍यांना फाशीची शिक्षा व्हावी, या मागणीसाठी मुस्लीम समाजाच्या वतीने शहरात फलकबाजी करण्यात आली आहे. त्यामुळे हा विषय शहरभर चर्चेला जात आहे तर दुसरीकडे शहरातील पोलीस दलावर तणावाचे वातावरण निर्माण झाले आहे. सकल हिंदू समाज नाशिकच्या वतीने मोर्चाचे आयोजन करण्यात आले आहे.
दिल्ली येथे घडलेल्या श्रद्धा वालकर हत्याकांडाची चर्चा सुरू आहे. आपल्या प्रेयसीचा खून करून त्याचे तुकडे करून फेकून देण्याचा प्रकार हा अत्यंत निषेधार्थ असून समाजातील सर्व क्षेत्रातून त्याचा निषेध होत आहे. तसेच त्याला फाशीची कठोर शिक्षा व्हावी, अशी मागणी होत आहे. दरम्यान या मुद्द्यावरून काही हिंदुत्ववादी संघटना आक्रमक झाल्याचे दिसून येत आहे