मनसे नेते बाळा नांदगांवकर आज नाशिक दौऱ्यावर

राजगडच्या वर्धापनदिनी मनसैनिकांशी साधणार संवाद

नाशिक : प्रतिनिधी

महाराष्ट्र नवनिर्माण सेनेचे अध्यक्ष राज ठाकरे यांच्या आदेशानुसार मनसे नेते बाळा नांदगांवकर शनिवारी ( दि . २ ) राजगड कार्यालयाच्या ११ व्या वर्धापन दिनानिमित्त नाशिक येथे सायंकाळी ५ ते ९ दरम्यान राजगड कार्यालय येथे महाराष्ट्र नवनिर्माण सेनेतील सर्व नवीन व जुने पदाधिकारी व मनसैनिकांबरोबर संवाद साधणार आहेत . त्यानिमित्त शुक्रवारी ( दि . १ ) महाराष्ट्र नवनिर्माण सेना शहर कार्यकारिणीतील सर्व प्रमुख पदाधिकारी , नगरसेवक , शहर समन्वयक , शहरातील उपजिल्हाध्यक्ष , शहर उपाध्यक्ष , सरचिटणीस , सर्व अंगीकृत संघटनांचे प्रमुख पदाधिकारी , सर्व इच्छुक उमेदवारांची अति महत्वाची व तातडीची बैठक राजगड येथे झाली . राज्यातील सत्तानाट्यानंतर स्थापन होत असलेल्या नवीन सरकारच्या पार्श्वभूमीवर बाळा नांदगांवकर दौऱ्यास विशेष महत्व प्राप्त झाले असून नांदगांवकर महाराष्ट्र नवनिर्माण सेना पक्ष स्थापनेपासुनचे सर्व नवीन व जुने पदाधिकारी व महाराष्ट्र सैनिकांबरोबर शनिवार कार्यालयात संवाद साधणार आहेत . यावेळी पदाधिकाऱ्यांच्या बैठकीसाठी वेगळी व्यवस्था करण्यात येणार आहे . महाराष्ट्र नवनिर्माण सेनेचे अध्यक्ष राज ठाकरे यांनी मनसे नेते नांदगांवकर , अनिल शिदोर व सरचिटणीस संजय नाईक यांची नाशिकसाठी संपर्क म्हणून नेमणूक मह केल्यानंतर बाळा नांदगांवकर यांचा प्रथमच नाशिक दौरा होत असून महाराष्ट्र नवनिर्माण सेनेतील सर्व पदाधिकारी व महाराष्ट्र सैनिकांमध्ये उत्साहाचे वातावरण असल्याचे शहर समन्वयक सचिन भोसले यांनी म्हटले आहे.

हेही वाचा : राज ठाकरे यांची तोफ धडाडणार!

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.