महापालिका प्रशासन हतबल
नाशिक : प्रतिनिधी
शहरातील मिळकतदारांकडील थकबाकी तब्बल 990 कोटी 78 लाखांच्या घरात पोहोचली आहे. वारंवार आवाहन करूनही वसुली होत नसल्याने महापालिका प्रशासन हतबल झाले आहे. दि. 1 एप्रिल ते दि. 2 सप्टेंबर 2026 पर्यंत 138 कोटी 25 लाखांचीच वसुली करण्यात कर विभागाला यश आले आहे. दरम्यान, यंदा अभय योजना देण्यास मनपा आयुक्त मनीषा खत्री यांनी नकार दिल्याने थकबाकी हजार कोटींवर जाण्याची शक्यता आहे.
नाशिक महापालिकेच्या कर संकलनाला यंदा आयुक्त खत्री यांनी साडेतीनशे कोटी वसुलीचे उद्दिष्ट दिले आहे. दरम्यान, नियमित कर व मागील काही वषार्र्ंपासूनची थकबाकीचा आकडा थेट नऊशे कोटींच्या पुढे गेला आहे. त्यातच कर विभागातील कर्मचार्यांवर कुठली ना कुठली जबाबदारी असल्याने थकबाकी वसुलीत अडथळे येत असल्याचे चित्र आहे.
शहरात एकूण सहा लाख 12 हजार मिळकतदार असून, त्यांच्याकडून दरवर्षी घरपट्टी व पाणीपट्टीची वसुली केली जाते. थकबाकी न भरणार्यांविरोधात महापालिका नोटिसा पाठवून मालमत्तेवर कारवाई करण्याचा इशारा देत असते. दरम्यान, लोकप्रतिनिधींची सत्ता असल्याने काही मिळकतदारांना नोटिसा धाडू नये, अशी भूमिका घेतली जात असल्याचे चित्र आहे. महापालिकेच्या उत्पन्नाचे स्रोेत हे प्रामुख्याने करातून मिळणारी रक्कम व बांधकाम परवान्यातून मिळणारे उत्पन्न आहे. गेल्या वर्षी करवसुलीची रक्कम सव्वातीनशे कोटींच्या घरात गेली होती. त्यामुळे यंदा प्रशासनाला जास्तीत जास्त वसुलीची अपेक्षा आहे. यंदा कर विभागाच्या कर्मचार्यांना जनगणना व नंतर मतदार पुनरीक्षण (एसआयआर) कार्यक्रमाला लावल्याने त्याचा मोठा परिणाम वसुलीवर झाल्याचे चित्र
आहे.
थकबाकीची माहिती याप्रमाणे
विभाग एकूण थकबाकी वसूल झालेली रक्कम
सातपूर 104 कोटी 47 लाख 16 कोटी 40 लाख 8 हजार
नाशिक पश्चिम 119 कोटी 84 लाख 22 कोटी 64 लाख 78 हजार
नाशिक पूर्व 182 कोटी 11 लाख 21 कोटी 95 लाख 50 हजार
पंचवटी 261 कोटी 75 लाख 17 कोटी 57 लाख
नवीन नाशिक 156 कोटी 16 लाख 29 कोटी 84 लाख
नाशिकरोड 166 कोटी 42 लाख 21 कोटी 36 लाख
एकूण 990 कोटी 78 लाख 138 कोटी 25 लाख
यंदा अभय योजना दिली जाणार नसून, मिळकतदारांनी त्यांच्याकडील थकबाकी भरून महापालिकेला सहकार्य करावे. अन्यथा कर न भरणार्यांविरोधात कायदेशीर कारवाई केली जाईल.
– नितीन पवार, उपायुक्त, मनपा
Mountain of arrears exceeds ₹900 crore.