सिन्नर प्रतिनिधी
तालुक्यातील मेंढी येथील शेतकरी भाऊसाहेब सयाजी गिते हे सोमवारी (दि. 29) रात्री साडेआठच्या सुमारास वडांगळी येथून काम आटोपून मोटार सायकलने घराकडे जात असताना बिबट्याने त्यांच्यावर हल्ला केला. त्यात गीते जखमी झाले आहेत.
वाल्मिक लक्ष्मण गीते यांच्या घराजवळील काटवनातून रस्त्याने जाणारे भाऊसाहेब गिते यांच्यावर अचानक बिबट्याने हल्ला केला. यामध्ये भाऊसाहेब यांच्या पायावर पंजाने ओरखडले आहे. त्यांच्या मागून थडी सारोळे येथील घोटेकर नामक गृहस्थ मोटरसायकलने जात होते. त्यांनाही बिबट्या, मादी व दोन बछडे यांचे दर्शन घडले. त्यांचीही घाबरगुंडी उडाली. गीते यांनी आरडाओरड केल्याने बिबट्याने धूम ठोकली. आसपासच्या नागरिकांनी लगेचच भाऊसाहेब गिते यांना वडांगळी येथे खाजगी दवाखान्यात उपचारांसाठी दाखल केले. दरम्यान घटनेबाबत माहिती मिळाल्यानंतर मंगळवारी सकाळी नऊच्या सुमारास वनसंरक्षक वत्सला कांगणे, मधूकर शिंदे, टि. एल. डावरे यांनी घटनास्थळी भेट देऊन गिते यांची विचारपूस केली. त्यांना दोडी येथील सरकारी दवाखान्यात उपचारांसाठी दाखल होण्याचा सल्ला देण्यात आला. मेंढी शिवारात पिंजरा लावण्यात येणार असल्याचे कांगणे यांनी सांगितले.
तलवारीचा धाक दाखवून दहशत माजवणाऱ्यास नाशिकरोड पोलिसांनी ठोकल्या बेड्या नाशिकरोड : प्रतिनिधी तलवारीचा धाक दाखवत…
आगामी होणाऱ्या विधानसभा निवडणुकीसाठी प्रशासन सज्ज : सुवर्णा चव्हाण मनमाड : आमिन शेख आगामी होणाऱ्या…
नाशिक: प्रतिनिधी वेतन पडताळणी करून ती मंजूर करून देण्याच्या मोबदल्यात अकरा हजार रुपयांची लाच घेताना …
राहुल आहेर यांची निवडणूक रिंगणातून माघार केदा आहेर यांच्या उमेदवारीसाठी शिफारस काजी सांगवी : वार्ताहर…
नाशिक:प्रतिनिधी जिल्हा शासकीय रुग्णालयात काल झालेल्या बाळ अदलाबदल प्रकरणी आरोग्य विभागाने कारवाईचा बडगा उगारला आहे.…
आयुक्तालय हद्दीत पोलीस अधिकाऱ्यांच्या बदल्या सातपूर: प्रतिनिधी विधानसभा निवडणुकीच्या पार्श्वभूमीवर महाराष्ट्र पोलीस दलातील पोलीस अधिकार्यांच्या…