प्रसिद्ध बांधकाम व्यावसायिक
नरेश कारडा यांच्या भावाची आत्महत्या
नाशिक: प्रतिनिधी
शहरातील प्रसिद्ध बांधकाम व्यावसायिक नरेश कारडा यांचे बंधू मनोहर कारडा यांनी आज रेल्वेखाली स्वतःला झोकून देत आत्महत्या केली. या प्रकारामुळे नाशिकरोड परिसरात खळबळ उडाली आहे.
तीनच दिवसापूर्वी त्यांचे मोठे भाऊ नरेश कारडा यांना मुंबई नाका पोलिसांनी फसवणुकीच्या गुन्ह्याखाली अटक केली होती. त्यानंतर त्यांना पाच तारखेपर्यंत पोलीस कोठडी मिळाली होती. या तक्रारीनंतर त्यांच्या विरोधात आणखी 15 तक्रार अर्ज आले. त्या अर्जामध्ये कारडा व त्यांच्या भावांचे नावे होती. यामुळे ते तणावाखाली आले होते. मोठी बदनामी झाल्याने नरेश कारडा यांचे भाऊ मनोहर कारडा यांनी दुपारी बेलत गव्हाण येथे धावत्या रेल्वे गाडीखाली आत्महत्या केली. या घटनेमुळे परिसरात खळबळ उडाली आहे.