मनमाडला दीड ते दोन लाख किंमतीच्या बकऱ्या चोरीला
पोलिसांच्या कार्यक्षमतेवर प्रश्नचिन्ह..?
मनमाड: प्रतिनिधी
शहरातील श्रावस्ती नगर भागातील भावेश सोनवणे यांच्या घरासमोर असलेल्या पत्र्याच्या शेडमधून सुमारे दीड ते दोन लाख रुपये किंमतीच्या सतरा अठरा बकऱ्या चोरट्यांनी चोरून नेल्याची घटना घडली. चोरट्यांनी सुरवातीला येथे असलेल्या सर्व घरांना बाहेरून कड्या लावल्या त्यानंतर आपला मोर्चा गोठ्याकडे वळवला येथून सर्व बकऱ्या चोरी करून पोबारा केला आहे आयाधी देखील याच भागात असलेल्या मोकाट जनावरांना चोरट्यांनी लक्ष केले होते मात्र तेव्हाही चोरटे पळून जाण्यात यशस्वी झाले होते आता त्यांनी आपला मोर्चा बकऱ्याकडे वळवला आहे या घटनेमुळे पोलिसांच्या कार्यक्षमतेवर प्रश्नचिन्ह उपस्थित केले जात आहे..? जर शहरात येताना प्रत्येक वाहन तपासले जाते मग चोरटे एवढ्या मोठ्या प्रमाणावर जनावरे घेऊन जातातच कसे असा सवाल देखील या भागातील रहिवाशांनी उपस्थित केला आहे.
मनमाड शहरातील श्रावस्ती नगर भागात राहणाऱ्या भावेश सोनवणे यांचा आपल्या घरामसोर पत्र्याचा गोठा आहे या गोठयात जवळपास 2 छोटे पिल्लं धरून 20 बकऱ्या होत्या काल रात्री एक ते दीड वाजेच्या दरम्यान पिकअप गाडीतुन काही चोरटे आले आणि त्यांनी या भागात असणाऱ्या सर्व घरांना बाहेरून कड्या लावून सरळ पिकअप गाडी गोठ्याजवळ लावली व राजरोसपणे सर्व बकऱ्या गाडीत घालून चोरून नेल्या बकऱ्याचा आवाज आल्याने सोनवणे कुटुंब जागे झाले त्यांनी बाहेर येण्यासाठी प्रयत्न केला मात्र बाहेरून दरवाजा लॉक असल्याने त्यांना येता आले नाही त्यांनी घरांतूनच आरडाओरडा केला मात्र इतरांनाही बाहेर येता आले नाही कारण सर्वांचे दरवाजे बंद होते यानंतर भावेश सोनवणे यांनी मागील दरवाजा खोलून बाहेर आला व पिकअप गाडीचा पाठलाग केला मात्र चोरटे जोरात पळून गेले या भागात मोठ्या प्रमाणावर चोऱ्या होत आहेत याबाबत मागेही पोलिसांना निवेदन दिले होते मात्र पोलिस देखील रात्रीची गस्त वाढवत नाही यामुळे नागरिकांनी नाराजी व्यक्त केली आहे.
शहरात गस्त वाढवावी
आमच्या श्रावस्ती नगर भागातील मोकाट जनावरे चोरून नेण्यात आली होती याशिवाय एक दोन घरफोड्या देखील करण्याचाप्रयत्न करण्यात आला होता तेंव्हाच आम्ही पोलिसांना या भागात गस्त वाढवावी म्हणून निवेदन दिले होते मात्र पोलिसांनी दखल घेतली नाही आता पुन्हा चोऱ्या सुरू झाल्या आहेत यामुळे श्रावस्ती नगर शांती नगर या भागासह इतर भागात गस्त वाढवावी
अनिता इंगळे,जिल्हा सरचिटणीस भाजपा