लासलगाव : वार्ताहर लासलगाव पिंपळगाव बसवंत रस्त्यावर असलेल्या कोटमगाव परिसरात बुधवारी दुपारी १२ वाजेच्या दरम्यान मारुती ओमनी गाडीने अचानक पेट घेतल्याने संपूर्ण गाडी जळून खाक झाली आहे सुदैवाने यात कुठल्याही प्रकारची जीवित हानी झालेली नाही . लासलगाव येथील रशीद शेख यांच्या मालकीची मारुती ओमनी गाडी नंबर एमएच १५ १८६३ लासलगाव कोटमगाव रोडवर गेले असता गाडीने अचानक पेट घेतल्याने या आगीत ओमनी गाडी संपूर्ण जळून खाक झाल्याची घटना घडली . सुदैवाने चालकाने गाडीखाली उतरत आपला जीव वाचवला . अपघातात संपूर्ण गाडी जळून खाक झाली आहे . घटनेची माहिती मिळताच लासलगाव पोलिसांनी घटनास्थळी धाव घेत मारुती ओमनी पेटण्याचे कारण काय याबाबत चौकशी सुरू केली आहे .