लक्झरी बसच्या अपघातात एक जण ठार तर दुसरा गंभीर

 

 

सातपूर :प्रतिनिधी

त्रंबक रोड विद्या मंदिर येथ त्र्यंबकवरून नाशिककडे जाणाऱ्या श्रीराम बस ट्रॅव्हल्स 32 प्रवासी वाहणाऱ्या लक्झरी वाहनाचा नियंत्रण सुटल्याने एका दुचाकीस्वाराचा जागीच मृत्यू झाला तर दुसर्याला उपचारासाठी जिल्हा रुग्णालयात दाखल करण्यात आले आहे.

 

 

 

याबाबत अधिक माहिती अशी की, आज सकाळच्या सुमारास श्रीराम ट्रॅव्हल्स या कंपनीची बस त्र्यंबकेश्वरवरून  देवदर्शन करून नाशिककडे जाताना नियंत्रण सुटल्याने ही बस न्यू पांडव हॉटेलच्या बाजूला आदळली. यात नाशिककडून त्रंबककडे जात असलेला एका युवकाचा लक्झरी बसच्या खाली येऊन जागीच मृत्यू झालाय तर एकाची प्रकृती चिंताजनक आहे. घटनास्थळी वाहतूक नियंत्रण कक्षाचे कर्मचारी अधिकारी, सातपूर पोलीस स्टेशनचे प्रभारी पोलीस निरीक्षक राजू पठाण यांच्यासह पोलिस अधिकारी कर्मचारी दाखल झाले होते.

 

या अगोदर देखील याच ठिकाणी अपघात  झालेले आहेत. प्रशासनाने या रोडवर योग्य ती उपाययोजना करून अपघात टाळावे असे सर्वसामान्य नागरिकांचे मत आहे.