महाराष्ट्र

पंचवटीतील पोलिसावर निलंबनाची कारवाई

अंमली पदार्थ विकणार्‍यांशी कनेक्शन उघड

सिडको : विशेष प्रतिनिधी
नाशिक पोलीस दलात मोठा घोटाळा उघडकीस आला आहे. पंचवटी पोलीस ठाण्यात कार्यरत असलेला पोलीस हवालदार युवराज शांताराम पाटील अंमली पदार्थ विक्री आणि गुन्हेगारांच्या संपर्कात असल्याचे उघड झाल्याने पोलीस आयुक्त संदीप कर्णिक यांनी निलंबनाची कारवाई केली आहे.
तपासा दरम्यान पोलीस हवालदार युवराज पाटील याचे भद्रकाली, इंदिरानगर आणि नाशिकरोड पोलिस ठाण्यात अंमली पदार्थ विक्री करणार्‍या गुन्हेगारांशी नियमितपणे संपर्क असल्याचे आढळून आले. त्याचबरोबर, इंदिरानगर आणि भद्रकाली पोलीस ठाणे येथे गोवंश मांस विक्री व वाहतुकीसाठी जबाबदार असलेल्या गुन्हेगारांशी त्याचे मोबाइलवर संभाषण सुरू असल्याचे स्पष्ट झाले आहे.
युवराज पाटील याचा अंमली पदार्थ विक्री प्रकरणात सहभाग असल्याने त्याला सहआरोपी म्हणून गुन्ह्यात समाविष्ट करण्यात आले आहे. पोलीस आयुक्त कर्णिक यांच्या आदेशानुसार पाटील याला निलंबन कालावधीत राखीव पोलीस म्हणून मुख्यालयात हजेरी लावण्याचे आणि परवानगीशिवाय मुख्यालय न सोडण्याचे निर्देश दिले आहेत.

या प्रकारामुळे पोलीस दलात एकच खळबळ उडाली आहे. पोलिसांमध्ये असा विश्वासार्ह सदस्य गुन्ह्यात सामील असल्याने पोलीस आयुक्त कर्णिक यांनी संपूर्ण तपास तपशीलवार करण्याचे निर्देश दिले आहेत. इतर पोलीस कर्मचार्‍यांचे फोन रेकॉर्ड तपासून त्यांच्यावर देखील कारवाई होण्याची शक्यता व्यक्त केली जात आहे.पोलिस हवालदार युवराज पाटील याने पोलीस शिस्तीचा भंग करत, जबाबदारीचे उल्लंघन केले आहे. त्याच्यावर कारवाई केली गेली असली तरी पोलीस दलात अशा प्रकारच्या वर्तनाने चिंता व्यक्त केली जात आहे. तसेच, इतर पोलीस ठाण्यांमध्येही अशा प्रकारच्या कार्यपद्धतीला आळा घालण्यासाठी पोलीस विभागाच्या वरिष्ठ अधिकार्‍यांनी गंभीर चर्चा सुरू केली आहे.

Editorial Team

Recent Posts

दादांची अकाली एक्झिट ! जिल्हा शोकसागरात

सर्वपक्षीयांकडून जड अंतःकरणाने श्रद्धांजली; कार्यकर्त्यांच्या अश्रूंचा बांध फुटला नाशिक ः प्रतिनिधी राष्ट्रवादी काँग्रेस पक्षाचे प्रमुख…

5 hours ago

स्मार्ट पार्किंगचे घोडे अडलेलेच!

टेंडर सेलकडून कार्यवाही होईना... नाशिक : प्रतिनिधी नाशिक महापालिका शहरातील वाहतूक कोंडीचा प्रश्न मार्गी लावण्यासाठी…

6 hours ago

बांगलादेश क्रिकेट बोर्डाचा आत्मघातकी निर्णय

बांगलादेशने दुराग्रही भूमिका घेऊन भारतात होणार्‍या टी-20 विश्वचषक स्पर्धेत न खेळण्याचा निर्णय घेतला. बांगलादेशचा हा…

6 hours ago

अजितदादांची साथ नेहमी स्मरणात राहील!

उपमुख्यमंत्री अजितदादा पवार यांचे अपघाती निधन वेदनादायी आहे. राज्याचे सहा वेळा उपमुख्यमंत्री म्हणून व दीर्घकाळ…

6 hours ago

पवार परिवारावर आघात

महाराष्ट्रात ज्यांना जाणता राजा म्हटले जाते, त्या शरद पवारांच्या सावलीत वाढलेले एक बोलके, दिलखुलास राजकीय…

6 hours ago

मीठसागरे शिवारात बिबट्या मादी जेरबंद

सिन्नर : प्रतिनिधी तालुक्यातील मीठसागरे शिवारात बुधवारी (दि. 28) सकाळी चार वर्षे वयाची बिबट्याची मादी…

7 hours ago