खा. राऊत, देशमुख यांची दिवाळी तुरुंगातच!

मुंबई : माजी मंत्री अनिल देशमुख आणि शिवसेनेचे खासदार संजय राऊत यांची दिवाळी तुरुंगातच जाणार आहे. दोघांच्याही जामीन अर्जावर आज सुनावणी झाली. देशमुख यांचा जामीन सीबीआय कोर्टाने फेटाळून लावला तर राऊत यांच्या जामीनावरील सुनावणी आता 2 नोव्हेंबरला ठेवण्यात आली आहे.
गोरेगाव येथील कथित पत्रा चाळ जमीन गैरव्यवहारप्रकरणी ईडीने 31 जुलै रोजी संजय राऊत यांना अटक केली होती. त्यानंतर संजय राऊतांनी जामीन मिळावा यासाठी, न्यायालयात अर्ज दाखल केला होता. त्यावर आज (21 ऑक्टोंबर) सुनावणी पार पडली. मात्र, न्यायालयाने 2 नोव्हेंबरला सुनावणी ठेवली आहे. त्यामुळे संजय राऊतांना आजही दिलासा मिळाला नाही. तर कथित 100 कोटी वसुली प्रकरणी राष्ट्रवादी कॉंग्रेसचे नेते अनिल देशमुखयांना काही दिवसांपूर्वीच ईडीच्या गुन्ह्यांमध्ये जामीन मिळाला होता. मात्र, सीबीआयकडून त्यांची चौकशी सुरू होती. मात्र, आज सीबीआय कोर्टाने त्यांचा जामीन अर्ज फेटाळून लावला आहे. त्यामुळे त्यांची दिवाळी यंदाही तुरुंगातच जाणार आहे.

Leave a Reply

Your email address will not be published. Required fields are marked *