सावानाचा कार्यक्षम आमदार पुरस्कार सुधीर मुनगंटीवार यांना जाहीर

नाशिक : प्रतिनिधी
सावानाच्या वतीने देण्यात येणारा
स्व.माधवराव लिमये कार्यक्षम आमदार/खासदार पुरस्कार यंदा राज्याचे सांस्कृतिक कार्य मंत्री भाजपचे आमदार सुधीर मुनगंटीवार यांना जाहीर झाला असल्याची माहिती पत्रकार परिषदेत सावाना अध्यक्ष दिलीप फडके यांनी दिली.यावेळी उपाध्यक्ष वैद्य विक्रांत जाधव , सचिव धर्माजी बोडके ,सहाय्यक सचिव अॅड .अभिजित बगदे, सांस्कृतिक कार्य सचिव संजय करंजकर,प्रशांत जुन्नरे उपस्थित होते.
यंदाचे हे पुरस्काराचे 19 वे वर्ष आहे.पुरस्काराचे स्वरूप 50 हजार रोख ,स्मृतिचिन्ह व शाल श्रीफळ पुष्पगुच्छ असे आहे.
पुरस्कार निवड समितीमध्ये आमदार देवयानी फरांदे ,ज्येष्ठ पत्रकार प्रकाश अकोलकर व प्रकाश जयप्रकाश पवार ,डाॅ.विनायक नेर्लीकर ,डाॅ.शोभा नेर्लीकर ,डाॅ.आर्चिस नेर्लीकर,सावाना अध्यक्ष दिलीप फडके, धर्माजी बोडके यांचा सहभाग होता.