एसटीची इलेक्ट्रिक बस प्रवाशांच्या सेवेत

मुंबई : राज्याची लाइफलाइन म्हणून ओळख असलेले लाल परी आता नव्या रूपात प्रवाशांच्या सेवेत दाखल झाली आहे . एसटी महामंडळाच्या ताफ्यातील पहिली इलेक्ट्रीक बस ‘ शिवाई ‘ प्रवाशांच्या सेवेत दाखल झाली आहे . एसटी महामंडळाच्या स्थापना दिनाच्या दिवशी शिवाई बसचा लोकार्पण सोहळा पार पडला . एसटी महामंडळातील पहिली एसटी इलेक्ट्रीक बस पुणे – अहमदनगरदरम्यान धावणार आहे . विधान परिषदेच्या उपाध्यक्ष डॉ . नीलम गोऱ्हे , उपमुख्यमंत्री अजित पवार , परिवहन मंत्री अनिल परब , एसटी मंडळाचे अधिकारी यांच्या उपस्थितीत आज लोकार्पण सोहळा पार पडला . या लोकार्पण सोहळ्यात बोलताना राज्याचे उपमुख्यमंत्री अजित पवार यांनी म्हटले की , राज्यात १ ९ ३२ मध्ये खासगी सेवा सुरू झाली होती . त्यानंतर १ जून १ ९ ४८ मध्ये एसटी महामंडळाची बस धावली . परदेशांमधील बसेस प्रमाणे ही नवीन बस असल्याचे अजित पवार यांनी म्हटले . काही दिवसांपूर्वी एसटी कर्मचाऱ्यांचा संप सुद्धा झाला . नंतर त्याला मार्ग मिळाला . पण आता याला कोणाची दृष्ट लागू देऊ नका , असे आवाहनही अजित पवार यांनी केले . राज्यात टप्प्याटप्प्याने शिवाई बसेस सुरू होणार असल्याचेही त्यांनी म्हटले .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.