मायलेकीच्या आत्महत्येचे गूढ उकलले

या कारणामुळे दिला जीव

देवळाली कॅम्प : वार्ताहर
येथे रेल्वेखाली आत्महत्या केलेल्या मायलेकींच्या मृत्यूचे गूढ उकलण्यात देवळाली कॅम्प पोलिसांना यश आले असून, अश्‍लिल फोटोच्या आधारे बदनामी करण्याच्या धमकीला कंटाळून मायलेकींनी आत्महत्या केल्याप्रकरणी एका व्यक्तीविरुद्ध गुन्हा दाखल करण्यात आला आहे.
आत्महत्या केलेल्या महिलेचे एकजणाबरोबर अनैतिक संबध होते. या इसमाकडे महिलेचे अश्‍लिल फोटो होते. या फोटोंच्या आधारे तो महिलेच्या मुलीबरोबरही संबध बनविण्याचा प्रयत्न करीत होता. त्यावरुन तो ब्लॅकमेल करुन बदनामीची धमकी देत होता. या त्रासाला कंटाळून या मायलेकींनी दिनांक 29 मे रोजी सकाळी साडेनऊ वाजता रेल्वेखाली झोकून देत आत्महत्या केली. ही बाब विवाहितेच्या पतीच्या लक्षात आल्यानंतर पत्नी व मुलीला आत्महत्या करण्यास प्रवृत्त केल्याप्रकरणी संबधित व्यक्तीविरुद्ध देवळाली कॅम्प पोलीस ठाण्यात फिर्याद दिली. पुढील तपास सहायक पोलीस निरीक्षक गिते करीत आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.