आत्मदहन करू पाहणारा युवक नाशिकरोड पोलिसांच्या ताब्यात…
नाशिक : प्रतिनिधी
जळगाव जिल्हा प्रशासनाकडून न्याय मिळत नाही म्हणून भडगाव तालुक्यातील एका युवकांने नाशिकच्या विभागीय आयुक्त कार्यालयात येऊन आत्मदहनाचा प्रयत्न केल्याची गंभीर घटना घडलीये. दरम्यान नाशिकरोड पोलिसांच्या हस्तक्षेपामुळे अनर्थ टळला असून पोलिसांनी आत्मदहन करणाऱ्या युवकाला ताब्यात घेतलंय. भूषण नामदेव पाटील (रा. कसबा ता. भडगाव जि. जळगांव) अस आत्मदहन करणाऱ्या युवकाचे नाव असून त्याने हे पाऊल का उचलले याबाबत त्यांनी माध्यमांना माहिती दिली आहे
महसूल उपायुक्त रमेश काळे यांनी या तरुणांची कैफियत समजून घेतली असून त्याला न्याय देण्याचे आश्वासनही दिलंय. कदाचित अल्पवाधित त्याला न्यायही मिळेल पण अशा अनेक अन्यायग्रस्ताना नडणाऱ्या शासकीय प्रवृत्तीचं काय हा खरा प्रश्न आहे