कोकाटेंना सर्वोच्च दिलासा! आमदारकी कायम राहणार

मुंबई:

शासकीय कोट्यातील सदनिका गैरव्यवहार प्रकरणात नाशिक सत्र न्यायालयाने माजी क्रीडा मंत्री आणि राष्ट्रवादी काँग्रेस (अजित पवार गट)चे आमदार माणिकराव कोकाटे यांना सत्र न्यायालयाने ठोठावलेल्या दोन वर्षांच्या कारावासाची शिक्षा ठोठावली होती. मात्र या प्रकरणी माणिकराव कोकाटे यांना सर्वोच्च न्यायालयाकडून मोठा दिलासा मिळाला आहे. कोकाटे यांच्या शिक्षेला सर्वोच्च न्यायालयाने स्थगिती दिली असून, त्यामुळे त्यांची आमदारकी कायम राहणार आहे. सुनावणी पूर्ण होईपर्यंत कोकाटे यांना आमदार म्हणून अपात्र ठरवले जाणार नसल्याचे सर्वोच्च न्यायालयाने राज्य सरकारला नोटीसद्वारे जारी केले आहे. माणिकराव कोकाटे आणि त्यांचे भाऊ सुनील कोकाटे यांनी विसे मळा भागा मुख्यमंत्री कोट्यातून सदनिका मिळवण्यासाठी कमी उत्पन्न आणि घर नसल्याचे बनावट दाखले सादर केल्याचा आरोप आहे. हे प्रकरण १९९५-९७ चे आहे. याप्रकरणी माजी मंत्री तुकाराम दिघोळे यांनी तक्रार दाखल केली होती. फेब्रुवारी २०२५ मध्ये प्रथम न्यायालयाने दोन वर्षांची शिक्षा ठोठावली, जी सत्र न्यायालयाने कायम ठेवली. त्यानंतर माणिकराव कोकाटे यांनी उच्च न्यायालयात धाव घेतली आणि आता सर्वोच्च न्यायालय कोकाटे यांच्या शिक्षेला स्थगिती दिली आहे.

Manikrao Kokate suprim court

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.