साडी ही भारतीय परंपरेचा गोंधळलेला मोहक गंध. पण आजच्या काळात ती केवळ साडी न राहता, एक स्टाइल स्टेटमेंट बनली आहे. विशेषतः तरुण व वर्किंग महिलांमध्ये सध्या एक नवा आणि जबरदस्त ट्रेंड पाहायला मिळतोय- तो म्हणजे इंडो-वेस्टर्न साडी! हा लूक म्हणजे पारंपरिक साडीला वेस्टर्न फॅशनची टच देऊन तयार झालेलं एक हायब्रिड सौंदर्य. ज्यात आहे थोडं देसी, थोडं ग्लोबल आणि भरपूर फॅशन!
इंडो-वेस्टर्न साडी म्हणजे नेमकं काय?
भारतीय साडीचा ड्रेप + वेस्टर्न स्टाइलचे ब्लाउज/टॉप/जॅकेट/बेल्ट वगैरे. यात पारंपरिक साडीचे सोनेरी किनारी, झिरझिरीत फॅब्रिक आणि दागिन्यांची मोहिनी टिकून राहते. पण तिच्या जोडीने येतो स्टायलिश कट, कोर्सेट टॉप, जॅकेट ब्लाउज, बेल्ट, बूट्स आणि वेस्टर्न अ‍ॅक्सेसरीज.
का आहे या ट्रेंडची क्रेझ?
पारंपरिकतेची आठवण टिकवून मॉडर्न लूक मिळतो. फेस्टिव्हल, पार्टी आणि वर्कप्लेसला शोभणारी स्टाइल. रिपीटेड साडी ड्रेप्सला नवीन फॉर्म देतो. इन्स्टाग्राम, पिन्ट्ररेस्ट आणि रॅम्प वॉकवर लोकप्रिय.
इंडो वेस्टर्न साडीचे पाच ट्रेंडी प्रकार ः
1) कोर्सेट स्टाइल साडी = स्लीक कोर्सेट टॉप + नेट किंवा जॉर्जेट साडी = एकदम हॉट आणि रॉयल लूक. ही साडी कॉकटेल पार्टी, फॅरेवेल्स किंवा संगीत कार्यक्रमांसाठी परफेक्ट. स्टाइल टीप : स्मोकी आयज, सिल्व्हर चोकर आणि स्ट्रॅपी हिल्स बरोबर घाला.
2) जॅकेट साडी = पारंपरिक साडीवर लॉन्ग किंवा क्रॉप वेस्टर्न जॅकेट. या लूकमुळे प्रोफेशनल आणि ट्रेंडी वाइब मिळतो. शोभते : कॉर्पोरेट पार्टी, सेमिनार, मॉडर्न ऑफिस इव्हेंट. फॅब्रिक : सिल्क + कोटन जॅकेट्स/कढाईदार फॅब्रिक.
3) धोती स्टाइल साडी ः साडीला धोतीप्रमाणे ड्रेप करून त्यावर बॉडीफिट टॉप किंवा शॉर्ट कुर्ती. हा फॉर्म कॉलेज फेस्ट, डान्स परफॉर्मन्स आणि इन्स्टा रील्ससाठी फायर! स्टाइल टीप : स्नीकर्स, ओक्सिडाइज्ड झुमके आणि हाफ बन.
4) बेल्टेड साडी ः साडीच्या पल्लूवर स्टेटमेंट बेल्ट लावून त्याला फॉर्म फिक्सेशन दिलं जातं. बेल्टमुळे ड्रेप नीट राहतो आणि लूकला स्टाइल टच मिळतो.
शोभते : रिसेप्शन, ब्रंच पार्टी, ग्रुप फोटोज.
ट्राय करा : लेदर बेल्ट, मेटॅलिक बेल्ट किंवा एंब्रॉयडरी वर्क बेल्ट.
5) पँट स्टाइल साडी = पँट्सवर साडी ड्रेप केल्यामुळे मॉडर्न आणि कम्फर्टेबल दोन्ही मिळतं. विशेषतः वर्किंग वूमन किंवा ट्रॅव्हल फ्रेंडली फॅशनसाठी उत्तम.
पेअर करा : ब्लेझर टॉप, स्टड इअरिंग्स आणि म्यूल्स.
कोणासाठी बेस्ट? स्टाइल कुणासाठी?
कोर्सेट साडी ः बॉडीकॉन प्रेमी, पार्टीगर्ल्स
जॅकेट साडी ः वर्किंग वूमन, मच्युअर्ड लुक
धोती साडी ः यूथ, डान्स ग्रुप
बेल्ट साडी ः इन्स्टाग्राम इन्फ्लुएन्सर, ब्राइड्समेड
पँट साडी ट्रॅव्हलर, ऑफिसगोअर्स
अ‍ॅक्सेसरीज आणि मेकअप टिप्स
मेकअप : न्यूड बेस + हायलाइटर + लिक्विड लिप्स
ज्वेलरी : चोकर, स्टेटमेंट रिंग्स, बोटचेन
फुटवेअर : ब्लॉक हिल्स, कोल्हापुरी, स्नीकर्स (धोतीसाठी)
जान्हवी कपूर, श्रद्धा कपूर या सेलेब्सनीही हे लूक रॅम्पवर मांडले आहेत!
शेवटचा स्टाइल मंत्र
फॅशन ही परंपरेशी भांडत नाही, ती तिला नव्या भाषेत मांडते! इंडो-वेस्टर्न साडी हे त्याचं उदाहरण आहे. तुम्हाला जर फॅशनमध्ये स्वतःचं वेगळेपण दाखवायचं असेल, तर ही साडी नक्की ट्राय करा. साडीच्या पाटीतून स्वप्नं वीणा आणि बेल्टच्या घट्टीत आत्मविश्वास जपा!