गुलमोहराचे झाड कोसळले

नाशिक : प्रतिनिधी
पंधरा दिवसांपूर्वी सातपूर आयटीआयजवळ गुलमोहराचे झाड रिक्षावर कोसळून दोन जणांचा मृत्यू झाल्याची घटना ताजी असतानाच आज दुपारी चारच्या सुमारास वकिलवाडी येथे गुलमोहराचे झाड कोसळून अनेक दुचाकी दबल्या गेल्याची घटना घडली. गुलमोहराचे झाड कोसळण्याच्या घटना सातत्याने घडत असल्यामुळे महापालिकेने आता धोकादायक झाडे तातडीने तोडण्याची मागणी होत आहे. आज दुपारच्या सुमारास वकिलवाडीत हे झाड कोसळले. झाडाजवळ लावण्यात आलेल्या दुचाकींचे त्यामुळे मोठ्या प्रमाणात नुकसान झाले.